|
讓我問一問你，你會怎樣形容AlanD歌? 經典金曲? 當然啦! 百聽不厭? 同意! 繞樑三日? 都係..... 但對於一些人，他們常常用以下的形容詞:
新不如舊。以下係我班Friend的感想....(年齡由19至24歲):
"Alan, 我舊時好鍾意佢劵! 不過我好多年冇買佢D碟啦.....新歌一定唔好聽" (喂，你冇買又知唔好聽?)
"乜倫伯仲有出碟咩? 收音機冇聽到倫伯D新歌? 我仲有聽哥哥喎!" (喂老友，你有冇病呀?
年紀相差數年，一個叫哥哥，一個叫阿伯? 仲有，你淨係聽商台咩?"
"阿倫演唱會好正! 因為好多舊歌..." (你真係有種族歧視! 點解你要歧視新歌? 我明明見到你大聲拍掌，話"一雙翅膀"好好聽!
一知道係新歌就立即改口風，話首歌都係不過不失!)
"譚校長? 佢成日唱D老土勵志歌，懶有道理...." (我今次真係駁你唔到....回贈、遙望、笑看人生.....
有D歌仲要加埋訓話(獨白)添! 幾埾命! 不過留意下啦，自選角度D歌詞同編曲都唔落後呀!)
究竟乜𣾀為知新不如舊? 因為"日落時份"唔夠"誰可改變"好聽?
如果你認為係咁，那大部份巨星級歌手也是新不如舊，你始終要Leslie唱"為你鍾情"，學友永遠比不上"每天愛你多一些"，華仔D歌你淨係聽"一起走過的日子".....其實個個人一樣，高峰後必會滑落，去等待下一次的高峰。其實自Alan不領獎以後，他作出了不少新嘗試，當然部份歌曲未為樂迷所接受，但他對於音樂的誠意是有目共睹的；他其實可以像某些天王一樣，一味以K歌Lum歌來悶你(那麼年年隻隻Alan大碟都會差不多)。
其實很多天皇巨星到了頂峰後都不敢求變，只懂原地踏步、自我重覆，但Alan仍會努力試新歌路，即使你不喜歡，他仍會身水身汗地跳舞唱笑看人生，拿著結他唱伴我飛翔，留著鬍子唱善心；又或者推出一些概念大碟...等等。其實Alan一直比別人走得更快，你邊一年開始上網?
Alan在96年頭己推出一首網路情迷。呢兩年潮流興減肥、瘦身? Alan98年己推出和減肥有關的電波中年絕食記....
新嘗試你又唔接受，走回倫式情歌你又話舊歌好D。
講番新不如舊，真係好好笑。記得一九九一年，一位同學聽完一生中最愛，便對我說:"Alan
D 歌真係新不如舊，都係無邊的思憶(早幾年D歌)好好多! 呢首咁既歌一定唔會成為經典!"
當時我並沒有表態。一九九四年 - 情憑誰來定錯對，那位同學亦說了同一番說話: "呢首麻麻，都係一生中最愛好D"。結果，二零零一年，飛一般演唱會上，那人又話:"AlanD金曲真係正!
情憑誰來定錯對 同 一生中最愛
簡直聽出耳油! 同日落時份無得比!" 唔知我的那位朋友是否失憶，或是他認為歌和酒一樣，要儲存得越久才越好聽
^-^
其實很多人都念舊而不肯接受新事物，歌亦是一樣。Alan自退出競逐後，很多好作品都是較慢熱(但絕對耐聽)的。減少了電台的播放率(沒有DJ日播夜播為你洗腦)，也沒有易上口的歌詞，很多時候樂迷只聽一、兩次後便認定了"唔好聽"，很多時好歌就這樣被埋沒了。其實只要唔好先入為主，你會發覺Alan近年都有唔少好作品。個人心水推介如下:
1. 有淚不輕流 - "情人" CD (1992)
2. 我永遠都愛你 - "笑看人生" CD (1993)
3. 狂小子 - "夢幻的笑容" CD(1994)
4. 避世烈車 - "伴我飛翔" CD (1995)
5. Lucianna - "伴我飛翔" CD (1995)
6. 感情回歸 - "思前想後"CD (1996)
7. 用去最後那半分溫柔 - "在乎" CD (1998)
8. 無限感覺在這天- "在乎" CD (1998)
9. 一千種記憶 - "自選角度" CD (2000)
10. 浪漫極限 - "愛自己" CD (2001)
雖然在演唱會中，大家仍對金曲情有獨鍾，也希望大家留意Alan的新歌，也許下次你會說:"Alan新舊歌曲，各有千秋!"
新不如舊? 我同意! 如果你是指今天的某些歌手，和八十年代的一班高手作比較!
|